Մալենա

Արփինե Մարտոյան (English: Arpine Martoyan, ծնվել է 2007 թվականի հունվարի 10-ին), ով հայտնի է Մալենա բեմական անվանումով (English: Maléna, հայ երգչուհի և երգերի հեղինակ։ Նա Հայաստանը ներկայացրել է «Մանկական Եվրատեսիլ 2021» երգի մրցույթում ՝ “Qami Qami” երգով և հաղթել է մրցույթում ՝ դառնալով «Մանկական Եվրատեսիլ» երգի մրցույթի հաղթող երկրորդ հայ մասնակիցը։

Վաղ կյանքը

Մալենան ծնվել է Երեւանում 2007 թվականի հունվարի 10-ին եւ դաստիարակվել իր մոր ՝ դերասանուհի Աննա Մանուչարյանի կողմից: Իր մոր հետ նա նկարահանվել է «քարե դարդ» հեռուստատեսային կատակերգական սերիալի մի քանի դրվագներում ։ Մալենան սովորել է Սայաթ-Նովայի անվան երաժշտական դպրոցում, որտեղ սովորել է թավջութակ նվագել ։

Կարիերա

Մալենան կատարել է Հայաստանը Մանկական Եվրատեսիլում ներկայացնելու իր առաջին փորձը Դեպի Մանկական Եվրատեսիլ 2018 երգի մրցույթում՝ մասնակցելով «Պար» երգով,հանդես եկել Արփի անվանմամբ և կիսաեզրափակչում զբաղեցրել 8-րդ հորիզոնականը։
2020թ.- ից Մալենան համագործակցում է TKN Entertainment-ի հետ,որը Tokionine-ին պատկանող երևանյան ձայնագրման լեյբլ է:

Նա պետք է ներկայացներ Հայաստանը Մանկական Եվրատեսիլ 2020 երգի մրցույթում «Why» («Ինչո՞ւ») երգով, սակայն երկիրը դուրս եկավ մրցույթից Լեռնային Ղարաբաղում շարունակվող պատերազմի պատճառով։

Հաջորդ տարի նա կրկին ընտրվեց Հայաստանը ներկայացնել «Մանկական Եվրատեսիլ 2021» երգի մրցույթում ՝ Փարիզում (Ֆրանսիա), «Քամի, Քամի» երգով ։ Երգը, որը նկարագրվել է որպես «Սփեյս փոփ», (երաժշտությունը՝ Տոկիո9, բառերը՝ Վահրամ Պետրոսյան, Տոկիո9, Մալենա և Դավիթ Ծերունյան)

Ես երբեք չէի մտածի, որ գրելու եմ երգի բառեր, որոնցով մի օր կկիսվեմ նման մեծ լսարանի հետ։ Դա մեծ պատիվ է։ Այս երգը այն մասին, թե ինչպես պետք է գտնես ինքդ քեզ, գտնես մի ճանապարհ ու շարունակես դրանով առաջ գնալ։ Երբեք մի մտածիր նորից ընկնելու մասին…միշտ եղիր այն, ինչ կաս։

Մալենա

Մալենան մրցույթում հաղթել է 224 միավորով ՝ դառնալով մրցույթի հաղթող երկրորդ հայ մասնակիցը,
առաջին անգամ դա տեղի էր ունեցել 2010 թվականին ։ Նրա հաղթանակից հետո Հայաստանի Հանրային հեռուստաընկերությունը (AMPTV) հայտարարել է Հայաստանում «Մանկական Եվրատեսիլ 2022» երգի մրցույթի անցկացման մասին:
2022 թվականի մայիսին Մալենան ելույթ է ունեցել Իտալիայի Թուրինում կայացած «Եվրատեսիլ» երգի մրցույթի առաջին կիսաեզրափակչի ժամանակ ՝ Երևանը հայտարարելով 20-րդ Մանկական Եվրատեսիլի կազմակերպիչ քաղաք ։